Të zvogëlohet ndjeshëm korrupsioni dhe ryshfeti në të gjitha format e tyre

Korrupsioni e gërryen besimin tek institucionet. Vendet që janë të afta të kontrollojnë korrupsionin kanë mundësi të përdorin burimet e tyre njerëzore, financiare dhe natyrore në mënyrë më efikase dhe të barabartë, me më pak humbje dhe shpërdorim. Ato janë në gjendje të thithin më shumë investime të huaja dhe vendase, dhe, përgjithësisht zhvillohen më shpejt se vendet e tjera.

Institucionet ekonomike duhet të përqendrohen tek rritja e pjesëmarrjes së grave në ekonomi, apo e të rinjve dhe grupeve më të pafavorizuara, si të moshuarit, personat me aftësi të kufizuara, popullsitë indigjene, pakicat, emigrantët dhe të larguarit nga lufta apo konfliktet, duke punuar për ngritjen e kapaciteteve dhe politikat e mosdikriminimit aktiv. Kjo nënkupton forcimin e institucioneve të brendshme financiare për të rritur mundësitë për qasje në shërbime të përballueshme financiare për të gjithë, dhe mbrojtjen e të drejtave në punë të të gjithë punëtorëve, përfshirë emigrantët.