Të zhvillohen institucione efektive, të përgjegjshme dhe transparente në të gjitha nivelet.

Studimet e shumta tregojnë se institucionet dhe cilësia e qeverisjes janë faktorë kyç për nxitjen e zhvillimit dhe promovimit të barazisë shoqërore, ndërsa institucionet e dobëta kthehen në penguese të mundësive për zhvillim të një vendi. Rëndësia e institucioneve efektive mbase është më e qartë në ato vende që janë të pasura në burime natyrore, por që nuk kanë qenë të afta të zvogëlojnë në mënyrë të ndjeshme nivelin e varfërisë.

Ndërtimi i institucioneve efektive, llogaridhënëse dhe gjithëpërfshirëse, në të gjitha nivelet, kërkon:

• zvogëlimin e ndjeshëm të korrupsionit dhe mitmarrjes në të gjitha format e tyre;
• garantimin e vendimmarrjes së përgjegjëshme, gjithëpërfshirëse, angazhuese dhe përfaqësuese në të gjitha nivelet; dhe
• garantimin e të drejtës së publikut në informacion dhe mbrojtjen e lirive themelore, në përputhje me legjislacionin kombëtar dhe marrëveshjet ndërkombëtare.

Qeveritë gjithëpërfshirëse dhe një shoqëri aktive civile dalin me politika më reaguese dhe të barabarta; e  drejta për informacion dhe transparenca proaktive ndihmojnë në rritjen e besimit tek qeveria; standartet e larta të integritetit e ulin korrupsionin dhe sigurojnë shfrytëzim të drejtë dhe efikas të burimeve; ndërsa një media e lirë, dinamike dhe e larmishme i mban qytetarët të informuar dhe u jep pushtetin e duhur për t’i kërkuar llogari qeverisë për vendimet dhe rezultatet e punës së saj.

Një qeveri e ndershme dhe reaguese është një ndër përparësitë më të shprehura nga të gjithë njerëzit në të gjithë botën.